【擺明賣廣告】香檳夾生蠔,英雄配美人

轉載自酒在超市(WINE YEAH!): http://www.wineyeah.com/?p=1421

Champagne Comtes de Dampierre


酒在超市今次得到東方明珠嘅邀請,出席同試飲喺香檳界中非常出名嘅Dampierre。當日雖然仲有其他紅酒試飲,但始終最值得詳細介紹就一定係佢哋幾支出名嘅香檳,以及佢地一個非常一流安排:用香檳去配趁唔同海鮮同埋生蠔。

有唔少酒友都聽過,或者喺神水睇過,要襯新鮮海鮮同生蠔,唔駛講都知係 Chablis,但用香檳會唔會仲好?結果係令小編一試難忘。 下次小編同小編夫人如果週年記念食生蠔,首選一定會係呢幾支香檳。

小編第一支試嘅就係呢支 : Champagne Comte Audoin de Dampierre Cuvee Des Ambassadeurs Brut ( Premier cru) 。

HKD $400 一支

呢支聽聞有唔少法國及英國有名餐廳用緊,不過小編覺得不如話你知小編嘅親身經驗。 當日兩位小編第一下飲覺得,真心唔錯,但又未去到真係超級出色。佢出奇哋滑,完全唔覺氣泡太粗,而且爽滑帶有Mousse 味。飲落帶有少少 Pinot Noir 果味同埋丁點海水咸。整體只可以用滑同優雅形容,但口味多元化就略嫌差少少。

喺呢一刻小編梗係發揮呃飲呃食精神,試下Food and Wine pairing 先。有趣嘅係,如果呢一支配長腳蟹腳同蝦,成件事就唔同哂,因為佢即刻令海鮮鮮甜好多,而酒中嘅少少海水味同礦物味唔止好夾,仲令海鮮中嗰少少僅餘嘅雪味都完全清哂,真正英雄配美人。

第二支已經到主角,佢哋得獎其中一支, 都係 Ambassadeurs , 不過就係 Blanc de Blanc。簡單講就係全 Chardonnay。除咗滑同 Elegant 之外,相對口感更多變化 , 圓滑細膩得嚟帶有更強海水同礦物感。

漫長而纏綿餘韻。 當日同法國生蠔水中花 ( Fleur Des Eaux “special” ) 一齊食,除左鮮甜,仲有一種強烈嘅海洋衝擊成個口腔,但仍然帶有幼滑, 另外仲有榛果以及好似Cream 嘅味道留係舌頭同口腔入面。

HKD $480 一支

最後呢一支壓軸出場, Champagne Comte Audoin de Dampierre Cuvee Prestige 2002。小編個人睇法,以香檳本身而言已經完完全全係最一流嘅代表作。Full body ,圓潤而幼滑,非常香甜嘅果香,當中帶有 Cream 同 Yeast , 麵包餅乾香,完美平衡,而且口感複雜,不過好優雅。淡淡礦物味再加上酸度高,口感非常爽。當日配上南非生蠔 ROLEX 。香, 甜, 爽, 滑, 鮮, Cream , 海水, 完美融合。



而最令小編拜服嘅係。。。如果飲 Chablis , 食完生蠔口中仍會有比較重身好 “膩” 唔想再食嘅感覺。 而呢支香檳唔單止無以上感覺,仲會將生蠔嗰少少滑潺潺口感都清除埋,然後重新再食下一隻唔同口味生蠔。 呢個係Chablis 俾唔到你嘅另一種感受。

Dampierre 本身已經出名,佢哋嘅香檳好飲相信唔少酒友都知,但用佢哋嘅唔同香檳去襯唔同海鮮真係有Surprise。不過如果要刻意安排呢種英雄美人嘅組合,咁就要自己搵齊呢幾支香檳,仲要搵新鮮好食嘅海鮮同生蠔,最緊要係識得開蠔。咁,不如直接去一間方便易去嘅餐廳一次過享用仲好,冇咁麻煩。

HKD $1,300 一支

而家Dampierre 係東方明珠做代理 , 有興趣嘅朋友可以正接連絡佢哋,因為佢哋唔止做批發,亦做零售, 結婚週年或者大時大節就唔駛煩諗有咩酒配生蠔海鮮啦。

www.opl.hk

( Frances Kwan )

tel : 2490 1010

email : Frances@opl.hk

Dampierre Champagne Press Conference 新聞發佈會@Kitchen.M

Kitchen-M-wine-tasting-poster

第 1 頁,共 1 頁1